3 Yam uas Tseeb Meej Rau Txhua Tug
Nyob zoo ib tsoom phooj ywg hmov thiab tshua. Hnub no cia kuv muab zaj lus tseeb coj los sau rau peb sawv daws tau los nyeem thiab ras peb tus kheej txog ntawm peb txoj kev yug los ua neeg nyob rau hauv lub qab ntuj no.
Qhov tseeb ces txij li thaum peb txhua tug yug los rau hauv lub ntiaj teb no mus txog ntua hnub lub cev ntaj ntsug xaus nkaus thiab thiab tag rau hauv lub ntiaj teb no nws muaj 3 yam uas tseeb meej rau peb txhua tug, tsis hais koj yuav muaj txoj kev ntseeg mus rau tus tswv twg los yog tus huab tais ntuj twg thiab sab twg.
PEB TXHUA TUG CES ZOO LI THOOJ ICE (นํ้าเเขง) UAS KHOV KHO DAWB PAUG. IB HNUB, IB HLI, IB XYOO, NWS MAJ MAM YAJ ZUJ ZUS – KOJ YEEJ CHEEM TSIS TAU NWS LI. NWS YAJ THAUM KOJ PW, THAUM KOJ SAWV, THAUM KOJ ZOO SIAB, CHIM SIAB, THIAB TXHUA FEEB NWS YEEJ YAJ ZUJ ZUS.
Es txawm koj yuav cheem nws npaum li cas, koj yuav muaj nyiaj ntau npaum li cas, yuav txom nyem tshaj plaws es xav kom nws yaj ntshis mus los nws yeej maj mam mus raws li lub ntuj tsim nws los. Hnub twg nws yaj tag nrho, ces koj txoj sia tu nrho thiab yaj ntsis hnub ntawv mus. Tsis muaj ib yam hauv lub ntiaj teb no los yog saum ntuj yuav los cheem tau thiab muab nws rov puab ua ib thooj ice dua kom khov kho li. Tag ces yaj ntsis mus ua dej, ua av, ua cua lawm xwb.
ES NCO NTSOOV TIAS TXHUA YAM KOJ MUAJ LUB SIJ HAWM NO CES NWS YOG TEMPORARY LOS YOG (ชั่วคราว) XWB. ES KOJ YEEJ YUAV COJ TSIS TAU IB YAM DAB TSI NROG KOJ, NQA TSIS TAU YAM TSEEM CEEB RAU KOJ TIAM NO NROG KOJ LI.
Tsis xav paub, tsis xav hnov, tsis xav kom muaj li los, peb yus los ces txhau tug nqa 3 yam no nrog peb los.
1. Koj yeej nqa txoj kev muaj mob muaj nkeeg.
2. Koj yeej nqa txoj kev zoo thiab kev phem los
3. Koj yeej nqa txoj kev ploj thiab kev tuag nrog koj los
